Komuna e Mitrovicës liron hapësirën e uzurpuar nga një lokal afarist

15:37 | 26 Prill 2022
A. B.

Inspektorët komunal kanë inspektuar një subjekt afarist përgjatë rrugës “Afrim Zhitia”, me ç’ rast kanë urdhëruar pronarin për lirimin e hapësirës së uzurpuar publike.

Kështu bëhet e ditur në një njoftim nga Komuna e Mitrovicës, ku sipas inspektorëve komunal personi përgjegjës i subjektit afarist ka vendosur aneksin me shtylla metalike me gjatësi prej 12,00 x 3,60 metra, pa leje adekuate nga organet komunale.

“Përveç mungesës së lejes kompetente, arsye shtesë pse është larguar konstruksioni metalik ishte edhe vlerësimi i inxhinierit të ndërtimit, pasi që është objekt i vjetër dhe është amortizuar pllaka e betonit, ndërkohë që shtyllat metalike kanë një peshë të rëndë”, thuhet në njoftim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm